Popular Bible Verses from Matius 15

Share

Nanging samubarang sing metu sangka tutuk kuwi asalé sangka ati lan ya kuwi sing ngregeti manungsa. Awit sangka ati kuwi kewetu pikiran sing ala, matèni, mlaku bédang, memédok, nyolong, sumpah palsu lan pitenah.

“Pada rungokna lan ngertènana: Sing ngregeti wong kuwi duduk sing mlebu ing tutuk, nanging sing metu sangka tutuk, kuwi sing ngregeti wong.”

Bangsa iki enggoné ngluhurké Aku karo lambéné, nanging atiné adoh karo Aku. Tanpa guna enggoné pada ngabekti marang Aku, nanging piwulang sing diwulangké kuwi aturané manungsa.”

Ing kono Yésus terus nyauri, tembungé: “Hé, wong wadon, gedé pengandelmu, mulané dadia apa sing dadi karepmu.” Wiwit waktu kuwi uga, anaké wadon mau dadi waras.

Nanging wong wadon mau terus teka lan sujut marang Panjenengané lan ngomong: “Duh, Gusti, njaluk tulung!” Nanging Panjenengané nyauri, tembungé: “Ora betyik, wong njupuk rotiné botyah-botyah terus diuntyalké marang asu.” Semauré wong wadon mau: “Bener Gusti, nanging asu apa ora ya pada mangan tyuwilan-tyuwilan sing tiba sangka méjané bendarané.”