Popular Bible Verses from Matius 13

Share

Nanging sing nyebar ing lemah apik, ya kuwi wong sing ngrungokké tembungé lan mengertèni, mulané ya terus metu wohé, ana sing tikel 100, ana sing tikel suwidak, ana sing tikel telung puluh.”

Sak terusé sing nyebar ing sak tengahé eri, ya kuwi wong sing ngrungokké tembung, terus sumelangé ndonya lan kekuwatan panggodané kasugihan pada ngendih tembungé mau, terus ora metu wohé.

Yèn ana wong sing krungu tembungé bab Kratoné swarga, nanging ora mengertèni, terus si duraka teka ngrebut apa sing disebar ing atiné; ya kuwi wiji sing disebar ing pinggir dalan.

Lan wiji sing disebar ing watu atos, ya kuwi wong sing ngrungokké tembung lan gelis-gelis nampani tembung mau karo bungah, nanging ora ana oyoté, dadi ora mantep atiné. Bareng katekan tukang nyia-nyia utawa panganiaya awit sangka tembungé kuwi, wong mau terus gelis murtad.

“Kratoné swarga kuwi upamané kaya banda sing kependem ing kebon, sing ketemu karo wong terus dipendem menèh. Awit sangka bungahé, wong mau terus lunga ngedoli bandané kabèh lan nuku tegalan mau.

Lan ana menèh sing tiba ing lemah apik; kuwi terus metu wohé, ana sing tikel 100, ana sing tikel suwidak lan ana sing tikel telung puluh.

Wis bèn ta pada tukul bebarengan nganti waktuné panèn. Ing waktu kuwi aku bakal ngomong marang sing pada derep: Klumpukna ndisik alang-alangé lan bentèlana, terus obongen, sakwisé kuwi gandumé klumpukna ing lumbungku.”