Popular Bible Verses from Para Imam 19

Share

Kowé aja mbales ala lan aja nesu marang pada bangsamu; malah kowé trésnaa marang pepadamu kaya marang awakmu déwé; Aku iki GUSTI.

Kowé aja nggarèt-nggarèti awakmu awit kepatèn lan kowé aja nggawé tato-tato ing awakmu; Aku iki GUSTI.

“Kowé mréntaha marang kabèh pasamuané wong Israèl lan ngomonga: Tembungé GUSTI mengkéné: Kowé pada sutyia, awit Aku GUSTI Allahmu kuwi sutyi.

Kowé aja ngendem sengit marang sedulurmu, marang pepadamu, élingna karo apa-anané, lan kowé aja njalari dosamu déwé awit sangka wong kuwi.

Kowé aja pada madep marang rohé wong sing wis ninggal ndonya utawa rohé para préwangan; kowé aja nggolèki marang kuwi, nganti pada dadi najis awit sangka kuwi kabèh; Aku iki GUSTI Allahmu.

Kowé aja nyebar tembung goroh mbrana-mbréné ing antarané bangsamu, lan aja ngantyam keslametané marang pepadamu; Aku iki GUSTI.