Popular Bible Verses from Para Rèkter 6

Share

Terus Mulékaté GUSTI ngétok marang dèkné lan ngetokké tembung: “Hé suradadu sing gagah lan rosa, GUSTI nunggal karo kowé.”

GUSTI terus ménguh weruh Gidéon lan ngomong: “Kowé lungaa karo kekuwatanmu iki lan ngluwari wong Israèl sangka pangwasané wong Midian. Aku sing ngutus kowé?”

Préntahé GUSTI marang Gidéon: “Nanging Aku iki bakal nunggal karo kowé, mulané kowé bakal nggepuk ngalahké wong Midian, nganti tyutes.”

Semauré Gidéon: “Oh Gusti, yèn tenan GUSTI nunggal karo kita, kenèng apa kita nganti pada ngalami sing kaya mengkéné iki kabèh? Endi ta kabèh mujijat sing dityeritakké para mbah kita marang kita, waktu tyerita: Apa duduk GUSTI sing wis ngetokké kita sangka negara Egipte? Nanging saiki GUSTI wis négakké kita, pada dipasrahké marang ing tangané wong Midian.”

Nanging semauré Gidéon marang GUSTI: “Oh Gusti, karo apa enggèn kula bakal ngluwari wong Israèl? Turunané kula kuwi klebu sing tyilik déwé sangka tunggalé taler Manasé, lan kula kuwi seduluré sing enom déwé.”

Mulékaté GUSTI terus teka njagong ing sak ngisoré wit gedé ing Ofra, duwèké Yoas anaké Abièser, nanging anaké lanang sing jenengé Gidéon ijik nutu gandum ing pameresan anggur, supaya aja konangan wong Midian.

Gidéon terus nggawé mesbèh ing kono pasrah marang GUSTI lan kuwi diwènèhi jenengé: GUSTI kuwi keslametan. Mesbèh kuwi ijik nganti sepréné ing Ofra, kutané wong Abièser.

Semauré Gidéon marang GUSTI: “Yèn kula wis olèh katrésnan kawelasan ing ngarepé Panjenengan, Panjenengan muga gelem ngekèki tanda, yèn Panjenengan déwé sing mréntah kula.

Nanging tembungé GUSTI marang Gidéon: “Tentrem rahayu anaa ing kowé. Aja wedi, kowé ora bakal mati.”

Nanging wong Israèl pada nglakoni sing ala menèh ing ngarepé GUSTI, mulané dipasrahké karo GUSTI marang ing tangané wong Midian suwéné pitung taun.