Popular Bible Verses from Para Rèkter 16

Share

Delila terus mbengok: “Simson, wong Filistèn pada nyerang sampéyan!” Simson wungu sangka enggoné turu terus ngomong: “Aku iki bakal bisa utyul menèh kaya sing uwis-uwis lan bakal mbedal.” Nanging ora rumangsa, yèn wis ditinggal karo GUSTI.

Simson terus sambat marang GUSTI, semauré: “Duh GUSTI, Panjenengan muga gelem éling kula, lan kula muga Panjenengan kuwatké sepisan iki waé, duh Gusti Allah, supaya kula bisaa nindakké mbales marang wong Filistèn, jalaran sangka ilangé mripat kula loro iki.”

Simson terus ngetokké isiné atiné kabèh marang Delila, mengkéné tembungé: “Sirahku durung tau kedemok ing péso tyukur, awit aku iki wiwit ing wetengé ibuku dadi nasir pilihané Gusti Allah; mulané yèn aku dityukur mesti ilang kekuwatanku nganti dadi apes, lumrah pada kaya wong liyané.”

Bareng sedina-dina dirèngèk-rèngèki lan didesek-desek karo Delila, nganti ora bisa ngendek atiné menèh, lan rumangsa kaya arep ilang nyawané.

Tembungé Simson: “Ilanga nyawaku bareng karo wong Filistèn iki!” Terus mbungkuk karo ngetokké kekuwatané, sak nalika omahé ambruk ngebruki para penggedéné lan sakkèhé wong ing njeruhné. Olèhé matèni waktu matiné kuwi tyatyahé ngungkuli sing dipatèni waktu ijik urip.