Popular Bible Verses from Yésaya 1

Share

Hayuk, kita pada nganakké perkaran! tembungé GUSTI: Senajan dosamu abang kaya bolah abang, bakal dadi putih kaya salju; senajan rupané abang kaya sumba bakal pada dadi putih kaya wulu wedus gèmbèl.

Yèn kowé pada mbangun turut lan gelem ngrungokké, kowé bakal pada mangan pametuné negara kuwi sing betyik.

pada blajara nggawé betyik ngupayaa marang keadilan, kwasanana wong sing seneng nggawé kereng; mbélanana wewenangé para botyah lola, réwangana perkarané para randa!

Nanging yèn kowé pada nglawan lan mbruntak kowé bakal pada dipangan karo pedang.” Tenan iki tembungé GUSTI.

Pada wisuha, resikana awakmu, adohna penggawému sing ala sangka ngarepé mripat-Ku. Mandeka enggonmu nggawé sing ala

Yèn kowé pada megarké tanganmu perlu ndedonga, Aku bakal nutupi mripat-Ku, malah senajan kowé ndedonga bola-bali Aku ora bakal ngrungokké awit tanganmu kebak getih.

Kowé aja pada masrahaké menèh pisungsungmu sing lamis awit ambuné nggawé ora seneng-Ku. Yèn kowé pada ngramèkaké sasi anyar lan sabat utawa nganakké kumpulan-kumpulan, Aku ora tahan ngewaské, awit perayakanmu kuwi kebak sing ala.

Sapi kenal marang sing nduwé nanging Israèl ora; kimar weruh marang wadah pakané sing dityepakké karo bendarané, nanging umat-Ku ora ngerti.”

Perayakan-perayakanmu sasi anyar lan kumpulan-kumpulanmu sing ajek kuwi Aku sengit ngewaské; kabèh kuwi dadi momotan kanggo Aku, Aku wis kesel enggon-Ku nyangga.