Popular Bible Verses from Ibrani 10

Share

Kita aja pada ngedohi kumpulan-kumpulan pangabekti kita, kaya kulinané sakwijiné wong, nanging hayuk pada ngéling-ngélingké, luwih menèh enggon kita ngerti yèn dina tekané Gusti wis mundak tyedak.

Lan hayuk pada nggatèkké siji lan sijiné, supaya kita pada mbangun ing katrésnan lan ing penggawé sing apik.

Hayuk pada dimantepké enggon kita ngakoni pengarep-arep sing wis dadi pengakuné kita, jalaran Panjenengané, sing njanjèkké kuwi setia.

Awit kowé pada mbutuhké sabar lan mantep, supaya sakwisé kowé nglakoni karepé Gusti Allah, pada nampani apa sing wis dijanjèkké kuwi.

Mulané, hayuk kita pada teka ing ngarepé Gusti Allah karo ati sing tulus lan éklas lan karo pertyaya sing mantep, awit ati kita wis diresiki sangka pikirané ati sing ala lan badan kita wis dikumbah nganggo banyu sing resik.

Kanggo kuwi kowé aja pada ninggal kapertyayanmu, awit gedé berkah sing wis dityawiské.

Awit yèn kita sengaja nggawé dosa sakwisé pada nampani kaweruh bab kabeneran, mesti ora ana kurban menèh kanggo ngresiki dosa kuwi. Nanging, anané mung ngentèni tekané pengadilan sing medèni lan geni sing mulat-mulat sing bakal ngobong sak kabèhé wong sing mbruntak.