Popular Bible Verses from Yéhèskièl 33

Share

Kowé ngomonga marang wong-wong kuwi: Kanggo Aku sing urip, mengkono tembungé Gusti GUSTI, Aku ora ngarepké patiné wong duraka, nanging Aku ngarepké mratobaté wong duraka supaya urip. Pada mratobata, pada minggira sangka mlakumu sing ala kuwi! Kenèng apa kowé bakal pada mati, hé para turunané Israèl?

Nanging kowé, hé, anaké manungsa, kowé Tak dadèkké penjagané para turunané Israèl. Yèn kowé krungu tembung-Ku, wong-wong kuwi pada élingna atas asma-Ku.

Nanging yèn kowé ngomongi wong duraka kuwi supaya mratobat, nanging emoh mratobat, wong kuwi bakal mati awit sangka dosané, nanging nyawamu slamet.

Nanging yèn tukang njaga mau weruh tekané pedang, nanging ora terus ngunèkké trompèt, dadiné bangsané ora diélingké, sak tekané pedang mau, terus ana wong tunggalané dientèkké, senajan wong iki mati awit sangka kesalahané, nanging Aku bakal njaluk tanggung jawap bab nyawané wong kuwi marang sing njaga mau.

Dèkné krungu swarané trompèt, nanging emoh diélingké, getihé kutah awit salahé déwé. Yèn gelem diélingké, nyawané slamet.