Popular Bible Verses from Pangentasan 3

Share

Tembungé Gusti Allah marang Moses: “Aku iki, sing ANA.” Tembungé menèh: “Tembungmu marang wong Israèl mengkéné: Aku ANA kuwi sing ngutus aku nemoni kowé.”

Gusti Allah terus ngetokké tembung: “Aku bakal nunggal karo kowé, lan iki sing dadi tandané, yèn Aku sing ngutus kowé: Yèn kowé wis nggawa metu bangsa kuwi sangka negara Egipte, bakal pada ngabekti marang Gusti Allah ing gunung iki.”

Tembungé Gusti Allah: “Kowé aja nyedaki mréné, sepatumu tyopoten sangka sikilmu, awit panggonan sing kok idak kuwi tanah sing sutyi!”

Tembungé GUSTI: “Aku wis nggatèkké sing tenanan marang kasangsarané umat-Ku ing Egipte, lan wis krungu tangisané awit sangka pada ditindes. Aku weruh kasangsarané. Mulané Aku medun gelem nylametaké umat-Ku sangka tangané wong Egipte, lan Tak tuntun metu sangka negara kuwi menyang negara sing apik lan jembar, negara sing lubèr mèlek lan madu, panggonané wong Kanaan, wong Hèt, wong Amori, wong Fèris, wong Hèwi lan wong Yébus.

terus Mulékaté GUSTI ngétok ing sak njeruhné urupé geni ing tengahé grumbul eri. Terus dèkné weruh: grumbul eri kuwi murup, nanging ora dipangan geni.

Kanggo kuwi saiki kowé lungaa, kowé Tak utus nemoni Parao, supaya umat-Ku Israèl kuwi kok tuntun metu sangka negara Egipte.”