Popular Bible Verses from Juru Kotbah 9

Share

Samubarang kabèh sing ketemu karo tanganmu supaya ditandangi, kuwi tandangana karo sak kuwaté tenagamu, awit ing ndonyané wong mati sing bakal kok parani ora ana penggawéan, timbangan, kaweruh lan kawityaksanan.

Aku weruh menèh ing sak ngisoré srengéngé, yèn ing balapan kuwi sing njalari menang duduk banteré mlayu, lan kemenangan peperangan kuwi ora kanggo wong sing kuwat, uga roti kuwi ora kanggo wong sing wityaksana, kasugihan ora kanggo wong sing pinter, lan kahurmatan ora kanggo wong sing paling pinter, awit wong mau kabèh pada gumantung waktu lan pantyèn nasipé mengkono.

Rasakké énaké urip karo bojomu sing kok trésnani ing selawasé uripmu sing tanpa guna kuwi, sing dikèkké karo Gusti Allah marang kowé ing sak ngisoré srengéngé, awit ya kuwi sing dadi bagéané ing sak njeruhné urip lan penggawéan sing kok tindakké karo ngrekasa ing sak ngisoré srengéngé.

Hayuk, panganen rotimu karo bungah, lan ombènen anggurmu karo senengé atimu, awit Gusti Allah wis suwé seneng marang penggawému.

Kawityaksanan kuwi luwih apik tenimbangané gaman-gamané perang, nanging wong siji sing kliru bisa nggawé bubrahé perkara okèh sing apik.

Tembungé wong wityaksana sing dirungokké karo anteng, kuwi luwih apik tenimbangané karo mbengok-mbengoké wong sing kwasa ing sak tengahé para wong bodo.

Awit wong-wong sing urip kuwi ngerti yèn bakal pada mati, nanging wong mati ora ngerti apa-apa, ora bakal nampa upahé menèh, malah wong pada lali babar pisan marang dèwèké.