Popular Bible Verses from Juru Kotbah 5

Share

Awit kaya ngimpi kuwi jalaran sangka akèhé penggawéan, mengkono uga rembukané wong bodo kuwi ya awit sangka akèhé tembung-tembungé.

Wong mau arang-arang éling marang urip sing tyendek, awit Gusti Allah nglilani terus ngrasakaké kabungahané atiné.

Yèn barang duwèké tambah, wong sing ngentèkké uga tambah. Terus apa untungé sing nduwé kejaba mung ndeleng?

Aja kesusu, karo tutukmu lan atimu aja gelis-gelis ngetokké tembung ing ngarepé Gusti Allah, awit Gusti Allah kuwi ing swarga, lan kowé ing bumi, mulané tembungmu setitik waé.

Luwih apik kowé ora nduwé janji tenimbang nduwé janji nanging ora kok tetepi.

Aja nganti kowé ketuntun karo tutukmu marang ing dosa, lan aja ngomong ing ngarepé kongkonané Gusti Allah yèn kowé kliru. Kenèng apa ta tembung-tembungmu kok nganti ndadèkké nesuné Gusti Allah lan terus ngrusak penggawéané tanganmu?

Aku weruh kahanan sing nyedihké banget ing sak ngisoré srengéngé: kasugihan sing disimpen karo sing nduwé njalari memalané déwé.

Iki uga kahanan sing nyedihké. Kaya enggoné teka, mengkono uga enggoné bakal lunga. Terus apa untungé wong sing wis ngaya-ngaya njaring angin kuwi?