Popular Bible Verses from Juru Kotbah 1

Share

awit kawityaksanan okèh kuwi ndadèkké susahé ati, lan sapa sing ngakèhké kaweruh kuwi ngakèhké kasusahan.

Apa sing tau ana, bakal ana menèh, lan apa sing tau digawé, bakal digawé menèh; ora ana barang sing anyar, ing sak ngisoré srengéngé.

Kabèh kuwi nggawé jelèh, nganti ora bisa dityritakké karo manungsa; mripat ora warek enggoné ndeleng, kuping ora warek enggoné ngrungokké.

Tanpa guna, tembungé Juru Kotbah, tanpa guna, sembarang kabèh kuwi tanpa guna. Apa gunané manungsa, banget-banget nglakoni kangèlan ing sak ngisoré srengéngé.

Aku wis weruh kabèh penggawé sing digawé karo wong ing sak ngisoré srengéngé, nanging kabèh kuwi tanpa guna lan njaring angin.

Turunan sing siji lunga, turunan sijiné teka, nanging bumi iki tetep ana.

Génerasi sing kepungkur wis dilalèkké, uga génerasi sing bakal kelakon, ya bakal dilalèkké.

Aku wis karo karep sak kabèhé atiku weruh tegesé kawityaksanan lan kaweruh, bodo lan goblok, lan aku mangertèni yèn iki uga ngupaya njaring angin