Popular Bible Verses from Danièl 2

Share

Mengkéné semauré Danièl: “Pinujia asmané Gusti Allah wiwit sangka kelanggengan tekan ing kelanggengan, awit kawityaksanan lan kekuwatan kuwi ing Panjenengané, sing ngrubah mangsa lan waktu, sing metyat para ratu lan ngangkat para ratu, sing ngekèki kawityaksanan marang para wong wityaksana lan kaweruh marang para wong sing kanggonan pangertèn; ya Panjenengané kuwi sing mbukak bab sing ora bisa dikira-kira lan sing didelikké; Panjenengané weruh apa ing pepeteng, uga pepadang ing Panjenengané.

Danièl nyauri, mengkéné semauré marang ratu: “Kedadian, sing ditakokké karo ratu kula, kuwi ora bisa didunungaké marang ratu karo wong wityaksana, tukang ngramal, wong pinter utawa tukang tenung. Mung ing swarga ana Gusti Allah sing bisa mbukak wewadi-wewadi; Panjenengané wis ngekèki ngerti marang ratu kula Nebukadnésar bab apa sing bakal kedadian ing dina-dina sing bakal teka. Malah impèn lan wahyu-wahyu sing diweruh karo ratu ing ambèn kuwi mengkéné

Nanging ing jamané para ratu, Gusti Allahé sak ubengé langit bakal ngedekké salah sijiné kraton sing ora bakal rusak ing sak lawasé lan pangwasané ora bakal ngalih marang bangsa liya: kraton kuwi bakal ngalahké kabèh kraton lan pada dientèkké, nanging kraton kuwi déwé bakal ngadek ing sak lawas-lawasé