Popular Bible Verses from 2 Timotius 1

Share

Awit Gusti Allah ngekèki kita duduk roh sing njalari jirèh, nanging roh sing nukulké kekuwatan, katrésnan lan ketertipan.

Panjenengané sing nylametké kita lan nyeluk kita karo panggilan sing sutyi, ora karo penggawé kita, nanging karo karepé lan katrésnané Panjenengané, sing wis dikèkké marang kita ing Kristus Yésus sak durungé wiwitané jaman.

Awit sangka kuwi kowé tak élingké supaya tetep nggawé ngrembakané pawèhé Gusti Allah ing kowé karo enggonmu wis ditumpangi tanganku.

Mulané aja isin nglairké paseksi bab Gusti kita lan aja isin awit sangka aku, sing dadi wong pakunjara awit sangka Panjenengané, nanging mèlua ngalami sangsara kanggo Injilé karo kekuwatané Gusti Allah.

Ya kuwi sing njalari kasangsaranku iki kabèh, nanging aku ora isin, awit aku weruh sapa sing tak pertyaya lan aku yakin yèn Panjenengané kuwi kwasa njaga marang apa sing wis dipertyayakké Panjenengané marang aku nganti tekan dinané Gusti.