Popular Bible Verses from 2 Korintus 6

Share

Aja nganti kowé pada dadi pasangan sing ora timbang karo wong sing ora pertyaya. Awit apa kabeneran kuwi bisa dipadakké karo sing duraka? Utawa kepriyé bisané pepadang dadi siji karo pepeteng?

Apa gegayutané griyané Gusti Allah karo brahala? Awit kita iki pada dadi griyané Gusti Allah sing urip kaya sing diomongké karo Gusti Allah ngéné, “Aku bakal manggon bebarengan karo wong-wong mau, lan urip ing tengah-tengahé, lan Aku bakal dadi Gusti Allahé, lan wong-wong mau bakal pada dadi umat-Ku.

Mulané: Kowé pada metua sangka tunggalé wong-wong kuwi, lan kowé misaha, mengkono tembungé Gusti, lan aja pada nggepok-sénggol karo sing reget, terus kowé bakal pada Tak tampa. Lan Aku bakal dadi Bapakmu, lan kowé bakal pada dadi anak-Ku lanang lan wadon. Mengkono tembungé Gusti, sing Mahakwasa.”

Apa Kristus kuwi bisa dipadakké karo Bélial? Panduman apa sing diduwèki bebarengan karo wong sing pertyaya lan wong sing ora pertyaya?