Popular Bible Verses from 2 Korintus 4

Share

Awit sing pada kita gatèkké duduk sing kétok, nanging sing ora kétok, awit sing kétok kuwi anané mung sak untara waktu, nanging sing ora kétok kuwi langgeng.

Awit sangka kuwi kita pada ora rumangsa semplak, malah senajan kamanungsan kita sing kétok mundak rusak, nanging kamanungsan kita sing batin dianyarké saben dina. Awit kasangsarané sing èntèng saiki iki, kuwi ngéntukké kamulyan langgeng sing ngungkuli samubarang kanggo kita kabèh, luwih gedé enggoné ngungkuli kasangsaran kita.

Kanggo samubarang kita pada ditindes, nanging ora remuk ketyepit; kita pada kentèkan akal, nanging ora kélangan pengarep-arep; kita pada disia-sia, nanging ora ditinggal ijèn; kita pada kebanting, nanging ora nemu tyilaka.

Nanging banda iki diwadahi ing kendi lempung, supaya ketara yèn kekuwatan sing ngidap-idapi kuwi asalé sangka Gusti Allah, ora sangka kita déwé.

ya kuwi wong sing ora pertyaya, sing angen-angené wis dilamurké karo allah-allah jaman iki, banjur wong mau ora pada weruh padangé Injilé kamulyané Kristus, sing dadi gambaré Gusti Allah.

Awit Gusti Allah sing wis ngomong: “Sangka pepeteng bakal ana pepadang sing semlorot!” Panjenengané uga sing nylorotké pepadangé ing ati kita, supaya kita kepadangan ing kaweruh bab kamulyané Gusti Allah sing kétok ing praupané Kristus.