Popular Bible Verses from 2 Korintus 12

Share

Nanging semauré Gusti marang aku: “Kawelasan-Ku kuwi wis tyukup kanggo kowé, awit kwasa-Ku kuwi malah disampurnakké ing sak njeruhné keringkihan.” Awit sangka kuwi aku luwih seneng ngunggul-unggulké keapesanku, supaya pangwasané Kristus manggon ing aku.

Mulané aku seneng lan lila ing keapesanku, ing sak njeruhné kesiksa, ing kangèlan, dikuya-kuya lan kasangsaran awit sangka Kristus. Awit yèn aku apes, kuwi aku kuwat.

Awit yèn aku arep gemunggung, aku duduk wong bodo menèh, awit aku ngomongké apa sing bener. Nanging aku ngendek uripku déwé, supaya aja ana wong sing ngukur awakku luwih sangka apa sing dideleng ing aku utawa sing dirungokké sangka aku. Lan supaya aku aja ngunggul-unggulké awakku déwé awit sangka anané wahyu-wahyu sing gedé kuwi, aku terus dikèki eri ing dagingku, ya kuwi kongkonané sétan sing nglarani aku, supaya aku aja nganti ngunggul-unggulké awakku déwé.