Popular Bible Verses from 2 Korintus 1

Share

Pinujia Gusti Allah, Bapaké Gusti kita Yésus Kristus, Bapak sing kebak kawelasan lan katrésnan uga Gusti Allah sing dadi sumberé panglipuran, sing nglipur kita ing sak njeruhné kasusahan kita, terus kita pada bisa nglipur wong-wong sing ngalami sak rupané kasangsaran karo panglipuran pawèhé Gusti Allah sing kita nampa.

Awit kaya enggon kita pada nampani panduman ing sangsarané Kristus karo lubèr, semono uga awit sangka Kristus kita pada dikèki panglipuran nganti lubèr.

Malah kita kabèh rumangsa kaya wis ditibani paukuman pati. Nanging bab kuwi enggoné kelakon supaya kita aja pada nganti ngendelké marang awaké déwé, nanging mung marang Gusti Allah sing nangèkké para wong mati.

Awit Panjenengané sing wis nguwatké kita bebarengan karo kowé ing Kristus, ya kuwi Gusti Allah sing wis njebati, lan wis ngekèki tanda ségel marang kita yèn kita kuwi dadi duwèké lan sing ngekèki Roh Sutyi ing ati kanggo panjer kanggo sak kabèhé perkara sing wis dityawiské kanggo kita.

Yèn kita pada nemu kasusahan, kuwi dadi panglipuran lan keslametanmu; nanging yèn kita pada olèh panglipur, kuwi ya dadi panglipurmu, terus kowé pada olèh kekuwatan sing njalari kowé pada sabar ing sak njeruhné kasangsaran sing pada kaya sing kita alami.