Popular Bible Verses from 1 Samuèl 17

Share

Nanging Daved ngomong marang wong Filistèn kuwi: “Enggonmu metuki aku karo nggawa pedang lan tumbak lan tlempak, nanging aku metuk kowé atas asmané GUSTI sing ngwasani langit lan bumi Gusti Allahé Israèl, sing kok tantang kuwi.

Lan wong sak pasamuan pada ngertia, yèn GUSTI enggoné mitulungi ora karo pedang lan tlempak. Awit peperangan kuwi ing tangané GUSTI lan Panjenengané masrahaké kowé ing tanganku.”

Daved ngomong menèh: “GUSTI, sing wis ngluwari kula sangka tyakaré singa utawa bruwang kuwi, Panjenengané uga bakal ngluwari kula sangka tangané wong Filistèn kuwi.” Saul terus ngomong: “Ya wis lungaa! GUSTI supaya nuntun mlakumu.”

Ing dina iki uga GUSTI bakal masrahaké kowé ing tanganku lan aku bakal ngalahké kowé lan nugel gulumu; ing dina iki uga aku bakal makakaké batangmu lan batangé suradadu Filistèn marang manuk-manuk ing awang-awang lan marang kéwan galak, supaya sak lumahé bumi pada ngertia, yèn Israèl nduwé Gusti Allah.

Daved terus nyangking tekené, milih watu klimis-klimis limang iji sangka kali, dilebokké ing kantongé pangon, sing digawa, ya kuwi wadah watu lan bandilé dityangking. Mengkono enggoné Daved metuki wong Filistèn kuwi.

Daved ngomong marang Saul: “Aja nganti pada mbleret, jalaran sangka wong kuwi. Abdimu bakal budal nandingi wong Filistèn kuwi.”