Popular Bible Verses from 1 Para Ratu 3

Share

Mulané Panjenengan supaya gelem ngekèki marang abdi Panjenengan ati sing bisa nimbang perkara supaya bisa ngadili umat Panjenengan karo bisa mbédakké apa sing apik lan sing ala, awit sapa ta sing saguh ngadili umat Panjenengan sing gedé banget kuwi?”

mulané Aku bakal nindakké sing tyotyok karo penjalukmu kuwi, Aku ngekèki marang kowé ati sing kebak kawityaksanan lan kaweruh, nganti sak durungé kowé ora ana wong siji-sijia sing kaya kowé, lan sakwisé kowé ora bakal ana wong siji-sijia sing kaya kowé.

Mulané Gusti Allah terus ngomong marang dèkné: “Awit kuwi sing dadi penjalukmu lan ora njaluk umur dawa utawa kasugihan apa nyawané mungsuhmu, nanging putusan ing sak njeruhné pengadilan

Lan sing ora kok jaluk ya Tak wènèhké, ya kuwi kasugihan lan kaluhuran, nganti sakjeké uripmu ora bakal ana wong siji-sijia sing kaya kowé ing antarané para ratu.

Lan yèn mlakumu metu ing dalan sing Tak duduhké lan tetep miturut kabèh katetepan lan préntah-Ku, pada kaya bapakmu Daved, Aku bakal ngekèki tambahé umurmu.”

Ing Gibéon kuwi GUSTI ngétok marang Salomo ing sak njeruhné impèn ing wayah mbengi. Gusti Allah ngomong: “Njaluka apa waé bakal Tak wènèhké marang kowé.”

Mulané saiki, duh GUSTI, Gusti Allah kula, Panjenengan sing ndadèkké abdi Panjenengan iki dadi ratu nggentèni Daved, bapak kula, senajan kula ijik enom banget lan durung nduwé pengalaman.

Penjaluké Salomo sing kaya mengkono kuwi dianggep apik ing ngarepé GUSTI.

Salomo terus ngomong: “Panjenengan sing wis ngétokké kawelasan sing gedé marang abdi Panjenengan Daved, bapak kula, awit uripé ing ngarepé Panjenengan karo setia, bener lan jujur marang Panjenengan; lan Panjenengan wis njamin kawelasan sing gedé kuwi marang bapakku, Panjenengan ngekèki anak lanang sing lungguh ing damparé kaya sing kedadian ing dina iki.

Ya kaya mengkéné iki abdi Panjenengan ing sak tengahé umat Panjenengan sing Panjenengan pilih, sakwijiné umat sing gedé, sing tyatyahé ora kenèng diitung lan ora kenèng dikira-kira okèhé.