Popular Bible Verses from 1 Yohanes 2

Share

Kowé kabèh aja pada nrésnani ndonya lan samubarang ing kono. Yèn wong nrésnani ndonya, kuwi ora kanggonan katrésnané Bapak. Awit samubarang ing ndonya, ya kuwi kepénginané daging lan kepénginané mripat lan sombongé urip, kuwi tekané ora sangka Bapak, nanging sangka ndonya.

Lan ndonya iki uga kepénginané bakal entèk, nanging sapa sing nglakoni karepé Gusti Allah kuwi tetep urip tekan sak lawas-lawasé.

Sapa sing ngomong yèn nunggal karo Panjenengané, uripé wajip kaya Kristus.

Anak-anakku, perkara iki tak tulis marang kowé supaya kowé aja pada gawé dosa. Nanging yèn ana sing gawé dosa, kita pada nduwé sing mbelani ing ngarepé Bapak, ya kuwi: Yésus Kristus sing adil.

Sapa sing ngomong: “Aku kenal Panjenengané,” nanging ora netepi pepakon-Né, kuwi wong goroh lan ora kanggonan kabeneran.

Nanging tandané yèn kita pada kenal marang Gusti Allah ya kuwi yèn kita pada netepi pepakon-Né.

Sapa sing ngomong yèn manggon ing pepadang, nanging sengit marang seduluré tunggal pertyaya, kuwi ijik manggon ing pepeteng nganti saiki.

Sapa ta si goroh kuwi? Apa duduk sing nyélaki yèn Yésus kuwi Kristus? Kuwi antikristus, ya kuwi sing nyélaki marang Bapak lan Putra.

Awit sapa waé sing nyélaki Putra kuwi ya ora pada nduwèni Bapak. Sapa waé sing ngakoni Putra, ya pada nduwèni Bapak.