Popular Bible Verses from 1 Korintus 15

Share

Mulané para sedulurku sing ditrésnani, kowé pada sing kentyeng, tanpa gingsir, lan tansah sregepa enggonmu nandangi penggawéan Gusti! Awit kowé pada weruh, yèn penggawému marang Gusti mesti ora bakal muspra.

Nanging maturkesuwun marang Gusti Allah, sing ngekèki kemenangan marang kita kabèh awit sangka Yésus Kristus, Gusti kita.

Kowé aja pada kesasar: Sesrawungan karo sing ala kuwi ngrusak pakulinan sing betyik.

Nanging sangka kawelasané Gusti Allah, aku dadi kaya aku saiki iki, lan kawelasan sing dikèkké marang aku kuwi ora kotong. Kosok baliné, aku wis nglakoni penggawéan luwih okèh tenimbang para rasul kabèh; mung waé duduk aku, nanging kawelasané Gusti Allah sing nunggal karo aku.

Hé pati, ing ngendi kemenanganmu? Hé pati, ing ngendi entupmu? Kanggo entupé pati ya kuwi dosa, lan kwasané dosa kuwi angger-anggeré Torèt.

Pada gatèkna, aku ngomongké perkara sing kesimpen marang kowé: Kita bakal pada ora ngalami mati kabèh, nanging kita kabèh bakal pada malih rupa, ing sak kedèpé mripat, bareng karo uniné trompèt sing pungkasan. Awit trompèté bakal muni, para wong mati terus bakal ditangèkké karo kanggonan kahanan sing ora kena dirusak lan kita pada malih rupa kabèh.

Awit, tekané pati kuwi sangka wong siji, mengkono uga tanginé wong mati ya awit sangka wong siji. Awit pada kaya ing Adam wong kabèh pada mati, mengkono uga ing Kristus wong kabèh ya bakal pada diuripké menèh.

Awit sing kena dirusak iki kudu nganggokké sing ora kena dirusak, lan sing bisa mati iki nganggokké sing ora bisa mati.

Awit Panjenengané pinesti ngratoni nganti tekan sak kabèhé mungsuhé pada disèlèhké ing sak ngisoré sikilé. Mungsuh sing pungkasan, sing ditelukké kuwi pati.