Popular Bible Verses from रोमी 2

Share

तूह ज़ुंण इना इहै कामां करनै आल़ै लै दोश लाआ, अर आप्पू बी करा तिहै ई काम, ताखा इहअ थोघ बी आसा कि तूह निं परमेशरे सज़ा का बच़ी सकदअ। कै तूह परमेशरे झींण, ज़िरने शगती अर सबर रुपी ज़ैदाता बृथा समझ़ा? तूह इहअ निं समझ़दअ कि परमेशरे झींण सखाऊआ ताखा पापो प्राश्त करनअ अर पाप करनअ छ़ाडी परमेशरा बाखा फिरनअ?

तूह समझ़ इहअ कि तूह सका होरी लै दोश लाई, पर ज़ुंण तूह होरी लै दोश लाआ, तूह निं एते बारै किछ़ै बोली सकदअ। ज़हा गल्‍ला दी तूह होरी लै दोश लाआ, तैहा ई गल्‍ला दी हणअ तुबी दोशी। ज़िहअ दोश तूह लाआ, तूह करा आप्पू बी तेऊ ई कामां।

किल्हैकि परमेशर निं कोही लै पक्षपात करदअ।

किल्हैकि परमेशरा सेटा निं मोसा गूरे बधान शुणनै आल़ै धर्मीं आथी, पर तिंयां हणैं धर्मीं ज़ुंण परमेशरे बधाने साबै ज़िन्दगी काटे।

परमेशरा दैणअ सोभी लै तिन्‍नें कामां भाल़ी तिन्‍नां लै बदल़अ।

पर ज़ुंण सिधअ आपणैं ई बारै सोठणैं आल़अ, ज़ुंण सत्त नांईं मंदअ अर ज़ुंण कदुष्ट काम करा, तिन्‍नां लै एछणी परमेशरा रोश्शै अर तिन्‍नां लै दैणीं घोर सज़ा।

पर तूह हुअ होर बी काठअ अर तंऐं निं पाप करनअ छ़ाडअ, तूह आसा आप्पू लै घोर सज़ा कठा करदअ लागअ द ज़ेभै परमेशरा आपणअ रोश्श रहैऊंणअ अर ज़हा धैल़ी परमेशरा शुचअ नसाफ करनअ।