Popular Bible Verses from सैणीं गल्‍ला 6

Share

छ़ह गल्‍ला आसा एही ज़ेता का बिधाता नफरत करा, एही आसा ईंयां सात पै ज़ेता बिधाता नांईं मंदअ: पैहलअ इहअ मणछ ज़ुंण घमंड करी दुजै लै आछी पेच़ा, दुजअ इहअ ज़ुंण आपणीं ज़िभा का झ़ुठअ बोला, चिअ ज़ुंण नर्दोश मणछे हत्या करा, च़ौथअ ज़ुंण आपणैं मन्‍नैं बूरी गल्‍ला सोठा, पांज़ूअ ज़ुंण कबध करना लै ठुर्ही डेओआ, छ़हुअ सह ज़ुंण झ़ुठी शाजत दैआ, अर सातुअ सह मणछ ज़ुंण भ्रैहरू मांझ़ै झ़गल़अ पाआ।

आरो दल़िदरीओ, इना गल्‍ला शिखल़ा चिटा का, तिन्‍नों काम-काज़ भाल़ी करा अक्ल

दल़िदरी सोठा इहअ, “थोल़ी घल़ी लऊं होर सुत्ती, अज़ी लणअ हिक्‍का प्रैंदै हाथ दोछ़ी सुत्ती! एक सताअ लणअ निंजो होर दैई!” सुत्ती रहणैंओ थोघ लागणअ तेऊ का तेभै ज़ांऊं गरीबी तेऊ पिछ़ू छ़ूरी पाई च़ोरा ज़ेही पल़णीं।

लान्हैंओ, तम्हैं करा तिहअ ज़िहअ थारै ईज-बाब खोज़ा बोला, तिन्‍नें शिक्षा डाहै सदा गांठ दैणैं ज़ेही आद अर गल़े हारा ज़ेही आप्पू का सदा।