Popular Bible Verses from सैणीं गल्‍ला 28

Share

ज़ुंण आपणैं पाप च़ोरी डाहा, सह निं ज़िन्दगी दी सफल हंदअ। पर ज़ुंण तिन्‍नां मना अर आजू पाप करनअ छ़ाडा, तेऊ लै करा बिधाता झींण।

ज़ुंण आपणैं ई बच़ारा दी भरोस्सअ डाहा, सह आसा ऐडअ, पर ज़ुंण अक्ली आल़ै मणछे बच़ार मना, सह रहा राज्ज़ी-राम्बल़अ।

ज़ै कदुष्ट मणछा पिछ़ू कोहै बी निं होए पल़अ द, तेऊ हआ तज़ी बी डरै ठुर्हा लागी दी। पर मानदार मणछ रहा खारकै सिहा ज़िहअ निहंचै।

ज़ुंण मणछ बिधाते डरा हेठै रहा, सह रहा सदा खुश, पर ज़ुंण हठ करा, तेऊ लै पल़ा आफ़त।

ज़ुंण गरीबा लै बांडा, तेऊ निं आप्पू गरीबी पल़दी, पर ज़ुंण गरीब मणछे मज़त करना लै पिठ फरेऊआ, तेऊ लै दैआ सोभै फिटक।

ज़ुंण मणछ नैरा समझ़ाऊआ, खिरी हआ तेऊ ई मणछे च़लाकी करनै आल़ै मणछा का खास्सी सर्राफी।