Popular Bible Verses from सैणीं गल्‍ला 22

Share

आपणैं लान्हैं लै डाहणीं होछ़ी उझै बुध खोज़ी कि तिन्‍नां केही ज़िन्दगी लोल़ी ज़िऊई, सह रहणीं तिन्‍नां सारी अमरा आद।

मानदारी दी रहणअ बिधाते डरा हेठै, बिधाता दैणीं तम्हां लै लाम्मी अमर, माया अर अदर पुआज़अ।

भलअ नाअं अर इज़त हआ सुन्‍नैं-च़ंदी का बी खास्सअ किम्मती।

रोश्शा आल़ै मणछे संगत निं करी, ज़ुंण धखी प्राचदअ शाचा।

खुल्है दिलै दैणअ गरीबा लै नाज़ पाणीं बांडी, इहै मणछा लै दैआ बिधाता आप्पै बर्गत।

ज़हा सोर-समझ़ हुई सह मणछ हेरा ज़ाणीं कि आफ़त च़ाल्‍ली पल़ी अर सह जाआ चतैन हई अर सह हटा पिछ़ू, पर ऐडअ मणछ डेओआ आजू तैहा ई आफ़ता जैंदरी तेते सज़ा भुगतदअ।

गरीब मणछ हआ सेठो गलाम, ऋण काढणैं आल़अ हआ साहुकारो गलाम।

एकी गल्‍ला लै आसा साहुकार अर गरीब बराबर कि तिन्‍नां दुही बणाणैं आल़अ आसा बिधाता।

इहअ भाल़ी निं गरीबा लै ऐब करी कि सह आसा गरीब, अर ज़सरी मज़त करदअ कोहै निं होए, दालता दी निं तेऊओ नसाफ मारी। किल्हैकि तिन्‍नों पक्ष लणैं आल़अ हणअ बिधाता आप्पै, अर तेखअ ज़ुंण तिन्‍नां मारने धमकी दैनी, बिधाता निं तिन्‍नां मारनै बाझ़ी छ़ाडी गअ।