Popular Bible Verses from सैणीं गल्‍ला 13

Share

ज़ुंण अक्ली आल़ै मणछे संगत करा, तेऊ संघै एछा तेऊ आप्पू बी अक्ल, पर ऐडै मणछे संगत पाआ आफ़ता दी।

सोठी-समझ़ी बोल़णैं आल़अ ता करा आपणीं ज़िन्दगीए फाज़त, पर ज़ुंण टाभ बाहा, सह करा आपणीं बरैबादी।

ज़ुंण आपणैं शोहरू-माठै लै झ़ूरा, सह डाहा तिन्‍नां नैरी बी, पर ज़ुंण नांईं झ़ूरदअ, सह दैआ तिन्‍नां कज़ेही करनै।

ज़ेभै आशा खतम हआ, तेभै चुटा दिल बी, पर ज़ेभै मानत पूरी हआ, सह ज़ाण्हिंआं ज़िन्दगी दैणैं आल़ै हरै बूटा ज़िहअ।

धर्मीं ज़िन्दगी करा नर्दोश मणछे फाज़त, पर कदुष्ट मणछा करा तेऊओ पाप तेऊ आप्पू ई बरैबाद।

धोखै करै खटअ द धन हआ खतम बी छ़ेक्‍कै, पर ज़ेथ मैन्थ हुई लागी दी, सह रहा बढदअ लागी।

घमंड करी हआ झ़गल़ै ई, पर अक्ली आल़अ मणछ शूणां दुजे सलाह।

भलअ मणछ डाहा आपणैं पोचै-पल़पोचै तैणीं धन झाल़ी, पर पापी मणछे ज़ैदात डेओआ तेऊए आपणीं पोस्ती बी ज़ैदात धर्मीं लै।

ज़ेभै ईज-बाब नैरदै लागै, अक्ली आल़ै लान्हैं समझ़ा तैहा गल्‍ला, पर नशूण अर हठू निं मंदै ई आथी।

ज़ुंण मणछ नांईं शिखल़दअ, तेऊ पल़ा दाल़ज, संघा लागा तेऊ शर्मिंदै हणअ। ज़ुंण नैरी-समझ़ाऊई करै समझ़ा, तेऊओ हआ अदर।