Popular Bible Verses from सैणीं गल्‍ला 11

Share

खुल्है दिले मणछ रहा बढदै लागी, ज़ुंण होरीए मज़त करा, तेऊ भेटा आप्पू बी मज़त।

कई मणछ हआ दिल खोल्ही बांडी करै बी सेठ, पर कई पल़ा कमजुशी करी बी गरीबी।

ज़ुंण मणछ घमंड करा, तिन्‍नां पल़ा बादा का शर्मिंदै हणअ, पर अक्ली आल़अ मणछ हआ शरीफ।

ज़हा देशै अक्ल निं हुई, तेऊ देशे परज़ा लै एछा आफ़त, पर ज़िधी अक्ली आल़ै सैणैं हुऐ, सह देश रहा बच़ी।

धर्मीं मणछ हआ ज़िन्दगी दैणैं आल़ै बूटा ज़िहअ, अर अक्ली आल़ै मणछा बाखा फिरा होर लोग बी।

घैंचल़ करनै आल़अ मणछ खोज़ा सारै भेद होरी का, पर शुचअ-पाक्‍कअ मणछ निं इहअ करदअ।

झणैल़ू मणछ करा आपणअ भलअ, पर नर्दैई मणछ बाहा आपणीं ज़ांघा खराल़ी।

ज़ुंण आपणीं ज़ैदाता दी भरोस्सअ डाहा, सह अल़ा शुक्‍कै पाचा ज़िहअ, पर धर्मीं मणछ रहा नऊंईं प्लीरा ज़िहै हरै।

ज़ेभै मौत मुंहां आजू एछा, तेभै निं ढब्बअ बी किछ़ू कामों हंदअ, पर मानदारी सका थारी ज़िन्दगी बी बच़ाऊई।

भलै मणछा सखाऊआ मानदारी, पर धोखै दैणैं आल़अ हआ आपणैं ई कदुष्ट कामां करै बरैबाद।

अक्ली बाझ़ी हेरनी शुणनी बेटल़ी आसा एही, ज़िहअ सुंगरे टोटै सुन्‍नेंओ बाल़ू।

ज़ुंण बाट-तराकल़ा तोलणां लै ठगी करा, तेऊ लै करा बिधाता नफरत, पर ज़ुंण मानदार आसा, तेऊ लै हआ खुश।