तैहा ई धैल़ी ज़ांऊं मोसा गूरो बधान सोभी का ज़ोरै-ज़ोरै पहल़ी करै खोज़अ, तेथ भेटी तिन्नां एही गल्ल लिखी दी कि अमोनी अर मोआबी लोग निं परमेशरे लोगा जैंदरी सभा दी कधि लोल़ी आऐ। किल्हैकि ज़धू इज़राईली मिसर देशा का एछदै तै लागै दै, तधू निं बाता अमोनी अर मोआबी तिन्नां लै नां झुटणा लै पाणीं अर नां नाज़ दैनअ त। तिन्नैं शादअ त हथू ढब्बै दैई बलाम गूर इज़राईला लै फिटक दैंदअ, पर म्हारै परमेशरै बदल़अ तेऊ फिटक बर्गता दी।
