Popular Bible Verses from मार्कुस 13

Share

मुंह दी विश्वास करनै पिछ़ू हणैं खास्सै मणछ थारै दुशमण, पर ज़ुंण आपणीं मौत हणैं तैणीं सबर करे तेऊओ हणअ उद्धार।”

भाल़ा, बिऊंतै रहा अर प्राथणां करदै रहा लागी। किल्हैकि तम्हां का निं ऐहा गल्‍लो थोघ आथी कि सह साईत केभै हणीं।

ज़ेभै तिंयां तम्हां कैद करे अर पेशी लै खल़ै करे, तेभै निं तम्हैं फिकर करी किई हाम्हां किज़ै बोल़णअ। तैहा घल़ी परमेशर ज़िहअ तम्हां का खोज़े तेभै बोलै तिहअ। किल्हैकि तैहा घल़ी निं बोल़णैं आल़ै तम्हैं हणैं, पर तेभै बोल़णैं आल़ी हणीं पबित्र आत्मां।”

सरग अर पृथूई टल़णीं पर मंऐं ज़ुंण गल्‍ला बोली ईंयां हणीं सोभ पूरी।”

“ऐहा गल्‍लो निं कोही का थोघ आथी कि ईंयां केभै हणीं। नां एतो थोघ स्वर्ग दूता का आथी अर नां पूता का। पर ऐहा गल्‍लो थोघ आसा सिधअ परमेशर बाब का।

कि ईंयां गल्‍ला हणीं आसा ज़रूरी, पर तैहा बेला बी निं अंत हणअ।

“तैही बोला हुंह तम्हां लै बी कि बिऊंतै रहा। किल्हैकि तम्हां का निं इहअ थोघ आथी कि थारअ प्रभू कहा धैल़ी एछणअ। सह उडै एछणअ कि आधी राची। कि सह दोत्ती न्हैर प्रैश्शै एछे कि राच भैई करै एछे। “इहअ निं हआ कि तम्हैं होए सुत्तै दै अर मालक एछे तैहा ई बेला। ज़िहअ हुंह तम्हां लै बोला तिहअ ई बोला हुंह सोभी लै कि बिऊंतै रहा।”

“किल्हैकि एकी ज़ाती करनअ दुजी ज़ाती संघै जुध अर एकी मुल्खा करनअ दुजै मुल्खा संघै जुध। ज़ैगै-ज़ैगै हणीं ज़ाज़री अर देशै-देशै पल़णै नकाल़। अह हणीं दाह-दुखे शुरूआत ज़ेही कहा सूंणें दाहे शूल़ उझ़िआ।”

“अह आसा ज़रूरी कि पैहलै लोल़ी खुशीओ समाद सोभी ज़ाती सेटा खोज़ी हेरअ।

कई लोगा एछणअ मेरै नाओंऐं अर तिन्‍नां बोल़णअ इहअ, ‘हाम्हैं आसा परमेशरै छ़ाडै दै मसीहा।’ तिन्‍नां पाणै इहअ करै कई लोग कबाता।

“पर तम्हैं रहै आपणैं बारै दी चतैन। किल्हैकि लोगा निंणै तम्हैं सभागृहा अर तेथ च़िक्‍कणै तम्हैं सोभी नदरी, मुंह पिछ़ू करनै तम्हैं सैणैं अर राज़ै सेटा बी खल़ै। पर अह हणअ तम्हां का मेरै बारै खोज़णेंओ मोक्‍कअ।

“किल्हैकि झ़ुठै मसीहा अर झ़ुठै गूर निखल़णैं अर तिन्‍नां पाणै ज़ादू करी बडै-बडै नछ़ैण अर च़मत्कार रहैऊई कबाता। ज़ै तिन्‍नों बश च़ले, तिन्‍नां पाणै परमेशरे छ़ांटै दै लोग बी कबाता।

“इना दुख-सांगटे धैल़ी बाद हणअ इहअ कि सुरज़ फिरनअ न्हैरअ अर ज़ोथ हणीं काल़ी। सरगा का अल़णैं तारै धरनीं अर सरगे सारी शगती बी सिक्‍कणी आजू-पिछ़ू।”