Popular Bible Verses from मिका 4

Share

होरी देशे लोग करा आपणैं-आपणैं देअए पूज़ा-गाज़ा अर च़ला बी तेते साबै। पर हाम्हां करनी आपणैं परमेशर बिधाते च़ाकरी अर ज़िहअ सह बोले हाम्हां करनअ सदा तिहअ।

तिन्‍नां लोगा बोल़णअ इहअ, “एछा! हाम्हां डेऊणअ बिधाते धारा, हाम्हां डेऊणअ तेऊ भबना लै ज़िधी याकबे आद-लुआद परमेशरे पूज़ा-गाज़ा करा। ताकि सह हाम्हां लै आपणअ बधान सखाओए, अर हाम्हैं तेते साबै आपणीं ज़िन्दगी ज़िऊए।” एरुशलेम हणअ बिधाते बधानो मूल़, बिधाते शिक्षा एछणी एरुशलेम नगरी का।

आजू हणअ इहअ, धार ज़िधी बिधातो भबन आसा सह हणीं सोभी का उछ़टी धार, सह धार हणीं सोभी धारा का महान। तैहा धारा लै एछणैं देशा-देशा का खास्सै लोग।

बिधाता करनअ देशा-देशे लोगो नसाफ, तेऊ करनअ दूर-दूर देशो फैंसलअ। तिन्‍नां लोगा बणाणैं आपणीं तलबारा गाल़ी करै हल़े लुहाल़, आपणैं बर्छ़ै गाल़ी करै बणाणीं तिन्‍नां दाची! तेखअ निं देशा-देशा आप्पू मांझ़ै जुध करनै, नां तिन्‍नां तेखअ जुध बिद्या शिखल़णीं।