Popular Bible Verses from लूका 8

Share

पर रज़दी-पज़दी ज़िम्मीं दी बेज़अ आसा इहअ ज़ुंण बैण शूणीं शुचै मन्‍नैं सभाल़ी डाहा अर सबर करी फूला-फल़ा।

ज़ुंण बेज़अ झ़ाकल़ै पल़अ सह आसा तिन्‍नां मणछे बारै ज़ुंण बैण ता शूणां, पर सुलै-सुलै पल़ा तिन्‍नां फिकर, धन-माया अर ज़िऊंणें सुखा दी अर तिन्‍नें फसल बी निं हंदी।

तिहअ ई शकरीली ज़िम्मीं दी पल़अ द बेज़अ आसा तिन्‍नां लोगे बारै ज़ुंण परमेशरो बैण शूणां अर तेभी खुशी-खुशी संघै मना। पर आप्पू पाक्‍कअ विश्वास नांईं हणें बज़्हा रहा तिंयां थोल़ै ई धैल़ै लै। बैण मनणे बज़्हा ज़ांऊं तिन्‍नां लै खरी पल़ा, तिंयां हटा तेभै परमेशरा दी विश्वास करनै का पिछ़ू।

तेखअ बोलअ ईशू तिन्‍नां लै, “थारअ विश्वास किधी आसा?” पर तिंयां डरै अर तिंयां हुऐ रहैन अर आप्पू मांझ़ै लागै गल्‍ला करदै, “अह कुंण आसा? ज़ुंण ढिश-बागर अर समुंदरे छ़ाल्‍ली लै बी दैआ हुकम अर तिंयां शूणां एऊए हर गल्‍ला?”

कई लोग आसा इहै बेज़ै ज़िहै ज़ुंण बाते बाढै पल़अ, ज़ेतरअ छ़ेक्‍कै तिंयां बैण शूणां राख्स एछा तेभी अर तेऊए दिला का करा बैण दूर ज़िहअ च़ेल्‍लू निंयां बेज़ै च़ुंघी कि इहअ निं हआ कि अह विश्वास करी तिन्‍नां उद्धार भेटे।

किल्हैकि ढोपी डाही दी च़ीज़ शुझणीं सोभी का अर गुप्त च़ीज़ हणीं सोभी नदरी प्रगट।

ज़ांऊं तैहा बेटल़ी ज़ाणअ कि सह निं ऐबै आप्पू च़ोरी सकदी, तेखअ खोज़ी तैहा डरदी-काम्बदी ईशू सेटा माथअ टेक्‍की करै सारी गल्‍ला शुची-शुची कि मंऐं तूह किल्है छ़ुंअ अर किहै करै हुई तेभी नरोगी। ईशू बोलअ तैहा लै, “बेटीऐ, तंऐं किअ विश्वास कि हुंह सका ताह नरोगै करी अर मंऐं हेरी तूह एऊ रोगा का नरोगी करी। ऐबै डेऊ शांती दी आपणैं घअरा लै तूह गई एऊ रोगा का छ़ुटी।”

तेखअ झ़ैऊअ तिन्‍नैं ईशू खल़अ अर तेऊ लै बोलअ, “हे प्रभू, हे मालक हाम्हैं च़ाल्‍लै खतम हई। तेखअ ईशू झ़ाहल़ काढी नैरी अर ढिश-बागर रुकी, तेखअ जाई करै हुअ चैन।”