Popular Bible Verses from यहूदा 1

Share

पर मेरै पैरै साथीओ, तम्हैं रहा एकी-दुजै लै मज़त अर हैअ दैंदै लागी। परमेशरे तिन्‍नां शुची शिक्षा दी डाहा कबल्‍लअ भरोस्सअ ज़ेता तम्हैं विश्वास करा, पबित्र आत्में मज़ती करै करा प्राथणां।

सिधअ परमेशर ई आसा एक्‍कै ज़ुंण तम्हां ठोहल़ लागणै का बच़ाऊई सका। परमेशर सका तम्हां नर्दोश अर खुश करी, ज़ेभै सह तम्हां आप्पू सम्हनै आपणैं प्रतप्पा दी खल़ै करे। तेऊ बच़ाऊऐ हाम्हैं प्रभू ईशू मसीहा करै। प्रतप्प, राज़ अर अदर आसा पैहलै ई का तेऊए, आझ़ बी आसा तेऊए ई अर आजू बी रहणीं सारी सदा लै तेऊए ई। एवमस्तू।

तम्हां लागा सदा निहंचै दी रहणअ कि परमेशर करा तम्हां लै झ़ूरी, ज़ेही तम्हां तैहा धैल़ीए आशा बी आसा ज़ेभै म्हारअ प्रभू ईशू मसीहा फिरी एछणअ तेभै दैणीं तेऊ तम्हां लै सदा रहणैं आल़ी ज़िन्दगी किल्हैकि सह आसा हाम्हां लै झणैल़ू।