Popular Bible Verses from ज़ैहसू 10

Share

ज़िहअ ज़ैहसू बोलअ, सुरज़ रहअ एकी ज़ैगा टेक्‍की अर ज़ोथ बी निं तेभै तैणीं तिधा का आजू सिक्‍की ज़ेभै तैणीं इज़राईली आपणैं दुशमण अमोरी का ज़ितै निं आथी। अह गल्‍ल आसा याशार नाओंए कताबा दी लिखी दी कि सुरज़ रहअ सरगै एकी ज़ैगा टेक्‍की अर सह निं सारी धैल़ी तिधा का आजू सिक्‍कअ।

तैहा धैल़ी दैनी बिधाता इज़राईली लै अमोरी लोगा का ज़ीत अर तधू बोलअ ज़ैहसू सोभी इज़राईली नदरी बिधाता लै इहअ, “सुरज़ा, गबोन नगरी प्रैंदै रह एकी ज़ैगा टेक्‍की, ज़ोथ, तूह रह अजालोन खागा प्रैंदै तिधी खल़्हुई।”

नां तधा का आजी कधू एही धैल़ी हुई अर नां तधा बाद आझ़ तैणीं तेही धैल़ी हुई ज़ेथ बिधाता मणछे अरज़ शूणीं इहअ नोखअ काम किअ अर बिधाता त तेऊ जुधा लै इज़राईली बाखा आप्पै।

बिधाता बोलअ ज़ैहसू लै इहअ, “तूह निं तिन्‍नां का डरी आथी, मंऐं हेरी ताल्है ज़ीत दैई। तिन्‍नां मांझ़ै निं कोह तेरअ मकाबलअ करी सकदअ।”

तेखअ बोलअ ज़ैहसू आपणैं तिन्‍नां सैनापति लै, “डरी निं आथी नां हैअ चोल़ी, हिम्मत करनी अर दिलै डाहणअ पाक्‍कअ भरोस्सअ, किल्हैकि ज़ेतरै बी थारै दुशमण होए तिन्‍नां संघै करनअ बिधाता इहअ ई।”