Popular Bible Verses from ज़ैहसू 1

Share

इहअ डाहै आद कि ताल्है आसा मंऐं हुकम किअ द, तूह डाहै हैअ! तूह निं डरी आथी अर नां हैअ चोल़ी। किल्हैकि ज़िधी-ज़िधी तूह डेओए, तिधी-तिधी रहणअ हुंह तेरअ परमेशर बिधाता ताह संघै आप्पै।”

बधाने अह कताब निं लोल़ी तम्हैं कधि बिस्सरी, एता करै धैल़-राच उझ़दी-बेशदी पहल़ी अर ज़ुंण एथ लिखअ द आसा, तेऊ साबै लोल़ी तम्हैं ज़िन्दगी ज़िऊई। तै हणैं तम्हैं ऐहा ज़ैगा सोभी गल्‍ला दी सफल।

तूह डाह हैअ, तूह करै सिधअ एतरअ कि ज़ुंण बधान मंऐं मेरै दास मोसा का दैनअ त, तेऊ मनै ज़िहअ मंऐं खोज़अ तिहअ ई। तेता का निं ओर्ही नां पोर्ही फिरी, अर तूह ज़िधी-ज़िधी बी डेओए, तिधी-तिधी हणअ तेरअ हर काम सफल।

“ज़ैहसू, तेरी ज़िऊंदी ज़िता निं ताह कोहै हारी सकदअ। ज़िहअ हुंह मोसा संघै रहअ, तिहअ हणअ हुंह ताह संघै बी। हुंह रहणअ सदा ताह संघै, नां शोटी डाहंदअ।

हैअ डाह, तूह आसा ऐबै इना एतरै लोगो सैणअ, ईंयां लागणै तेऊ देशै ताह पजैल़णैं ज़ेता दैणें करार मंऐं इने दादा-बाबा संघै थिई किई दी।

मंऐं ज़ुंण मोसा लै ज़बान दैनी कि ज़िधी-ज़िधी तम्हैं गंईं डाहे सह ज़ैगा दैणीं मुंह तम्हां लै।

बिधाता बोलअ ज़ैहसू लै इहअ, “मेरअ दास मोसा गअ मरी। ऐबै कर हिम्मत, तूह अर सोभै इज़राईली तैर्हिआ, संघा टपा जरदण दरैऊआ पारा बाखा तेऊ देशा लै ज़ुंण मंऐं तम्हां इज़राईली लै आसा लाअ द दैई।

बिधाते गूर मोसे ज़ांऐं हणैं बाद किई बिधाता ज़ैहसू संघै गल्‍ला। ज़ैहसू थिअ नूनो शोहरू अर सह करा त मोसा गूरा संघै च़ाकरी।

दखण रेगीस्ताना उझै उतर दिशा लाबानोन धारा तैणीं, पुर्बा दिशा फरात दरैऊआ ओर्ही पछ़म दिशा दी माहा समुंदरा तैणीं हणअ सारअ हित्ती लोगो अह देश थारअ।

ज़ुंण बी ताल्है द्रोह करे, ज़ुंण तेरअ हुकम नांईं मने, सह पाणअ हाम्हां मारी। पर तूह हअ बलबान अर हिम्मत कर।”

“सारी इज़राईली टोलीए सोभी डेरै लै दैआ इहअ हुकम कि आप्पू-आप्पू लै चाणां सोभै रोटी-च़ोक्‍कण, किल्हैकि चिई धैल़ै भितरी लागणअ तम्हां जरदण नदी पार टपी तेऊ देशा गिम्मदै डेऊणअ ज़ेते तम्हैं थारै परमेशर बिधाता मालक आसा लाऐ दै बणाईं।”