Popular Bible Verses from जोहन्‍ना 21

Share

रोटी खाणैं का बाद ईशू शमौन पतरासा का बोलअ, “शमौन, जोहन्‍ने शोहरूआ, तूह कै मुंह संघै इना होरी का खास्सी झ़ूरी डाहा?” पतरासै बोलअ, “हाँ प्रभू, ताखा आसा ऐहा गल्‍लो थोघ कि हुंह ताल्है केतरअ झ़ूरी डाहा।” ईशू बोलअ तेऊ लै, “मेरै मिम्मूं च़राऊ।” ईशू पुछ़अ पतरासा लै दुजी बारी भिई, “शमौन जोहन्‍ने शोहरूआ, तूह मुंह संघै बेघै झ़ूरी डाहा?” तेऊ दैनअ ज़बाब, “हाँ प्रभू, ताखा, आप्पै आसा थोघ कि हुंह केतरी झ़ूरी करा।” ईशू बोलअ तेऊ लै, “मेरी भेडे हेर-सभाल़ कर।” चिऊथी बारी तेऊ भिई पतरासा लै बोलअ, “शमौन जोहन्‍ने शोहरूआ, तूह मुंह संघै बेघै झ़ूरी डाहा?” पतरास हुअ बडअ दुखी कि तेऊ बोलअ चिऊथी बारी, “तूह मुंह संघै झ़ूरी करा?” तेखअ बोलअ तेऊ, “हे प्रभू, तूह ताखा आसा सोभी गल्‍लो थोघ, ताखा आसा थोघ कि हुंह, संघै केतरी झ़ूरी करा।” तेखअ बोलअ ईशू तेऊ लै, “मेरी भेडा च़राऊ।”

तेखअ बोलअ ईशू तेऊ लै, “हुंह खोज़ा ताखा सत्त कि ज़ेभै तूह ज़ुआन त, तेभै बान्हां त तूह आपणीं गाची आप्पै अर तूह ज़िधी च़ाहा त तिधा लै डेओआ त हांढा-फिरा। पर ज़ांऊं प्रोढअ हणअ तेभै करनै ताह आपणैं हाथ लाम्मै अर तेरी गाची बान्हणीं होरी। ज़िधा लै तूह नांईं बी च़ाहंदअ, तूह निंणअ तिन्‍नां तिधा लै बी।”

तेखअ बोलअ ईशू तिन्‍नां लै, “किश्तीए दैहणीं बाखा शोटा ज़ज़ाल़ तेथ भेटणीं तम्हां म्हाछ़ली।” तेखअ तिन्‍नैं किअ तिहअ ई। कै हुअ कि तेऊ ज़ज़ाल़ा दी शाची एतरी म्हाछ़ली कि ज़ज़ाल़ निस्सअ तिन्‍नें पाणीं का उझै खिंच़ुई।

शमौन पतरासै बोलअ तिन्‍नां लै, “तम्हैं बेशा अर हुंह आणू तम्हां लै म्हाछ़ली ढाकी।” पर तिन्‍नैं बोलअ, “हाम्हैं बी च़ाल्‍लै ताह संघै।” तिंयां सोभ ज़ण्हैं किश्ती दी बेठै पर सारी राची निं तिन्‍नां किछ़ भेटअ।