Popular Bible Verses from जेरमयाह 4

Share

बिधाता बोला इहअ, “इज़राईलीओ, ज़ै तम्हैं च़ाहा, तै एछा मुंह सेटा लै फिरी। ज़ै तम्हां मेरी डअर आसा अर ज़ै तम्हैं तिन्‍नां मुहुर्ती दूर करे ज़ेता का मुंह नफरत आसा, तै हणैं थारै मुंह बिधाते नाओंऐं सोह खाणैं ठीक। ज़ै तम्हैं शुचै रही, नसाफ रही अर धर्मीं रही मुंह सोह खांदै, तेखअ मांगणी सोभी देशा मुंह सेटा एछी बर्गत अर तिन्‍नां बी करनी मेरी ज़ै-ज़ैकार।”

बिधाता बोला इहअ, “मेरी परज़ा आसा कमुर्ख, तिंयां निं मुंह बछ़ैणदै ई आथी। तिंयां आसा ऐडै लान्हैं ज़िहै, तिन्‍नां निं समझ़ ई आथी! तिन्‍नां आसा सिधी बूरै करने अक्ल, भलअ करनअ निं तिंयां ज़ाणदै ई आथी!”

यहूदा मुल्खे लोगो, अह आफ़त पाई तम्हैं आप्पू लै आप्पै ज़ेही तम्हैं ज़िन्दगी ज़िऊई अर ज़िहै तम्हैं कर्म किऐ। अह दाह-दुख पल़अ थारै पापा पिछ़ू, एता करै हुअ थारअ दिल छिझअ।”