जरदण नदीए ज़ेऊ बाढा का एप्रैमी दरैअ पार आपणैं देशा लै टपणअ थिअ, तेथ हेरअ गलादी तिन्नां का आजी कबज़अ करी अर तिधी डाहै आपणैं आदमी पहरी लाई। ज़ुंण बी एप्रैमी मांझ़ै तिधी पुजी पार टपणै ज़ाज़त मांगा थिअ, तेऊ का पुछ़ा तै गलादी सपाही, “तूह एप्रैमी आसा?” ज़ै तेऊ नांईं किअ तै बोला तै तिंयां तेऊ लै, “शिब्बोलेथ बोल” किल्है एप्रैमी निं एऊ बोला राम्बल़ै करै बोली सकदै तै अर तिन्नां का छ़ुटा ती, “सिबोलेत।” तेखअ निंयां तै तिन्नां गलादी सपाही घिशी, संघा पाआ तै तिधी मारी। इहअ करै पाऐ तै तिधी तिन्नैं बयाल़ी हज़ार एप्रैमी मारी।