Popular Bible Verses from ईशायाह 62

Share

ऐबै निं आजू ताल्है कोही इहअ बोल़णअ, “अह आसा छ़ाडी दी।” नां तेरी ज़ैगा लै इहअ बोल़णअ, “अह आसा बांढी बेटल़ी ज़ेही।” तेरअ नऊंअ नाअं हणअ, “बिधाता आसा ऐहा का खुश।” तेरी ज़ैगा लै बोल़णअ, “सुहागण बेटल़ी।” किल्हैकि बिधाता आसा ताल्है खुश अर सह हणअ तेरी ज़ैगा लै बेटल़ीए मर्धा ज़िहअ।

एरुशलेम, मंऐं आसा नगरीए दुआली दी पहरी डाहै दै, तिंयां नां धैल़ी च़ुप्पी बेशणै अर नां राची। तम्हैं ज़ुंण बिधाता आद करा, तम्हैं निं आप्पू बेशी रही, तम्हैं निं तेभै तैणीं बिधाता बशैघ करनैओ मोक्‍कअ दैई, ज़ेभै तैणीं एरुशलेम नगरी भिई तेही ई नां बणें अर सोभी देशा जैंदरी मशूर निं हई जाए।

तूह हणीं बिधाता लै शोभलै मुगटा ज़ेही।

ज़िहअ ज़ुआन मणछ कुंआरी शोहरी संघै बैह करा, तिहअ ई करनअ तेऊ ताह संघै बैह ज़ुंणीं तूह बणाईं दी आसा। ज़िहअ लाल़अ आपणीं लाल़ी करै खुश हआ, तिहअ हणअ तेरअ परमेशर ताह करै खुश।