Popular Bible Verses from ईशायाह 6

Share

तेखअ शूणअ मंऐं मालक इहअ बोल्दअ, “हुंह कहा छ़ाडूं? हाम्हां बाखा कुंण डेऊणअ?” मंऐं दैनअ ज़बाब, “हुंह आसा भाल़ इधी! मुंह छ़ाड!”

तिंयां थिऐ एकी-दुजै लै इहअ बोल्दै लागै दै, “पबित्र, पबित्र, पबित्र! स्वर्गे सारी सैनो मालक बिधाता, सह आसा पबित्र! तेऊए झ़ामणा करै हुई सारी पृथूई प्रैश्शी।”

मंऐं पाई एही लैल़, “ऐबै निं हुंह बच़दअ आथी! हुंह हणअ खतम किल्हैकि मेरै खाखा का बोलै दै हर बैणा करै हआ पाप, मुंह फेर ज़ुंण मणछ बी आसा, तिन्‍नें हआ हर गल्‍ला छ़ोतली। तज़ी बी भाल़अ मंऐं माहा राज़अ स्वर्गे सारी सैनो मालक बिधाता आपणीं आछी ज़हा का सारअ बल आसा!”

ज़हा साला यहूदा मुल्खो राज़अ उज़ियाह मूंअ, तधू आअ मेरै धैनै मालक बिधाता। सह शुझुअ मुखा उछ़टै दी आपणीं राज़गाद्दी दी बेठअ द, तेऊए घाघरे घेरा करै भर्हुअ पूरअ भबन।

सह ज़ल़दअ नार छ़ुआंऊंअ तेऊ मेरै होठै संघा बोलअ इहअ, “भाल़, एता करै छ़ुंअ मंऐं तेरै होठ अर ऐबै निं ताह दी दोश रहअ अर तेरै पाप हुऐ माफ।”

तेऊ फेर शुझुऐ मुखा ज़ल़दी आगी ज़िहै साराप नाओंए ज़ीब खल़्हुऐ दै, तिन्‍नां थिऐ छ़ह-छ़ह फैंख। तिन्‍नैं सोभी ज़ीबै तै आपणैं दूई फैंखा करै आपणैं मुंह ढोपै दै, दूई करै आपणीं घेर ढोपी दी अर बाकी दूई फैंखा करै तै तिंयां डैअ दैंदै लागै दै।

तेखअ दैनअ तिन्‍नां साराप नाओंए ज़ीबा मांझ़ै एकी ज़ण्हैं उंधै मुंह सेटा लै डैअ, तेऊ आणअ बेदी का च़िमटै करै एक ज़ल़दअ नार काढी आपणैं दूई थूंज़ा दी ढाकी।

मेरै मालक बिधाता बोलअ मुल्है कि तूह डेऊ संघा खोज़ इज़राईली परज़ा का मेरअ समाद, “च़ाऐ ज़ेतरअ बी तम्हैं शुणें, तम्हां निं समझ़ पल़णीं। च़ाऐ ज़ेतरअ बी तम्हैं भाल़े, तम्हां का निं थोघ ई लागणअ कि किज़ै आसा हंदअ लागअ द।”

तेखअ बोलअ बिधाता मुल्है इहअ, “इनो मन्‍न दै लड्डी हणैं, कान कर इने टौणैं अर इने आछी कर कांणी ताकि ईंयां नांईं समझ़े, नां इना का शुण्हिंए अर नां इना का शुझिए। ज़ै इना समझ़ एछदी, ज़ै ईंयां शुणदै अर ज़ै इना का शुझदअ, तै फिरनैं तै ईंयां मुंह बाखा अर मुंह दैणैं तै ईंयां नरोगै करी।”