Popular Bible Verses from ईशायाह 51

Share

बिधाता बोला इहअ, “तम्हां लै बल दैणैं आल़अ आसा हुंह, तम्हां निं मणछा का डरने ज़रुरत आथी ज़ुंण मरनै अर घाह ज़िहै पठी मछैणैं।

सरग आसा मंऐं छ़ैअ द अर पृथूईए आथरी आसा मंऐं पाई दी, हुंह बोला एरुशलेम नगरी लै इहअ, ‘तम्हैं आसा मेरी परज़ा! तम्हां लै शिक्षा दैणैं आल़अ आसा हुंह अर हुंह डाहा तम्हां आपणैं हाथा करै बच़ाऊई।’”

तम्हैं शूणां मेरी गल्‍ला, तम्हां ज़हा का थोघ आसा कि धर्म किज़ै आसा अर ज़ुंणी मेरै बधान आपणैं दिलै आसा डाहअ द। तम्हैं निं डरदै लागी ज़ेभै लोग थारअ सुहांग अर बेइज़ती करे।

मुंह बिधाता करनीं एरुशलेम नगरी लै झींण, तिन्‍नां सोभी लै बी ज़ुंण तैहा ढूल़ी-पल़ी दी नगरी आसा बस्सै दै। एभै ता आसा सह ज़ैगा शुक्‍कअ रेगीस्तान बणी दी, पर अह बणाणीं मुंह तेऊ बागा ज़ेही ज़ुंण मंऐं अदन नाओंए ज़ैगा बणाअं त। तेथ हणीं खुशी अर नंद, सोभ हणैं मुल्है शूकर करना लै गिहा बोल्दै लागै दै।

तिंयां ज़ुंण तंऐं बिधाता बच़ाऊई आणै, तिंयां पुजणैं खुशी-खुशी गिहा लांदी अर नाच़दी-खेल्हदी एरुशलेम नगरी। तिंयां रहणैं सदा खुश अर तिंयां हणैं दुख-तकलिफी का सदा लै दूर।