Popular Bible Verses from ईशायाह 46

Share

मंऐं आसा आजू हणैं आल़ै गल्‍ला शुरू ई दी डाही दी खोज़ी। ज़ुंण हुंह बोला सह गल्‍ल हआ अटल़। हुंह लआ तिन्‍नां सोभी गल्‍ला करी ई ज़ुंण हुंह करनी सोठा। मुंह शादणअ पुर्बा बाखा एक मणछ, तेऊ पल़णअ काअ-गरली ज़िहै चुटी। तेऊ करनीं मेरी तिंयां गल्‍ला पूरी ज़ुंण मंऐं करनी आसा सोठी दी। अह गल्‍ल डाही मंऐं बोली अर मुंह करनअ ज़िहअ मंऐं बोलअ तिहअ पूरअ।

तम्हैं खास्सै प्रोढै बी होए अर थारै मूंड पल़ू करै शेतै हणैं तैणीं रहणअ मुंह इहै ई रगाऊंदै लागी। किल्हैकि थारअ परमेशर आसा हुंह, तम्हैं आसा मंऐं बणाऐं दै अर धाचणै बी तम्हैं मुंह ई। तम्हैं डाहणैं मुंह इहै ई ढाकी अर बच़ाऊई।

आद करा कि सोभी का पैहलकै ज़मानै किज़ै हुअ, हुंह ई आसा परमेशर अर मुखा सुआई निं होर कोहै आथी, नां मुंह ज़िहअ कुंण होर आथी।

“याकबे आद-लुआद, ज़ुंण तम्हैं मेरी परज़ा इज़राईली मांझ़ै ज़िऊंदै आसा बच़ै दै, तम्हैं शूणां कि हुंह बिधाता किज़ै बोला। हुंह आसा हुऐ ज़ल्मां ओर्ही तम्हां भोसल़ै रगाऊंदअ लागअ द।