1
ईशायाह 30:21
बाघली सराज़ी बोली दी पबित्र शास्त्र
OSJ
ज़ेभै तम्हैं दैहणीं या बाऊंईं बाखा कबाता पेठे, तम्हां का जाणअ पिछ़ू का बिधाता बोल्दअ शुण्हुंई, “अह बात आसा, एथ लागा आज़रै हांढदै।”
Compare
Explore ईशायाह 30:21
2
ईशायाह 30:18
तैबी रहा बिधाता न्हैल़अ लागी कि तम्हां लै तेऊओ जश होए। सह च़ाहा तम्हां लै झींण करनी, सह करा भलअ ई। सह हआ तिन्नां लै खुश ज़ुंण बिधाता दी भरोस्सअ डाहा।
Explore ईशायाह 30:18
3
ईशायाह 30:15
इज़राईलो मालक बिधाता आसा पबित्र, सह बोला लोगा लै इहअ, “मुंह सेटा लै एछा फिरी, संघा रहा एभी पोर्ही मेरै भरोस्सै। तै हणैं तम्हैं बलबान अर बच़ी बी जाणैं।” पर तम्हैं निं इहअ किअ आथी।
Explore ईशायाह 30:15
4
ईशायाह 30:20
हई सका कि मालक तम्हां लै कैदी ज़िहअ बभार करे। हई सका कि तम्हां आफ़त रोटी ज़ेही खाणीं पल़े अर दुख पाणीं ज़िहअ झुटणअ पल़े। पर सह हणअ तेभै तम्हां संघै तम्हां सखाऊंदअ लागअ द, तम्हैं निं तेऊ ओर्ही-पोर्ही लोल़णें ज़रुरत आथी।
Explore ईशायाह 30:20
5
ईशायाह 30:19
तम्हैं ज़ुंण एरुशलेम आसा बस्सै दै, तम्हां निं आजू लेरने ज़रुरत आथी। बिधाता आसा झणैल़ू, ज़ांऊं तम्हैं तेऊ सेटा लेर-पकार पाआ कि सह थारी मज़त करे, सह हेरा शूणीं।
Explore ईशायाह 30:19
6
ईशायाह 30:1
बिधाता बोलअ इहअ, “ज़ुंण यहूदा मुल्खै राज़ करा, तिन्नां लै हणीं आफ़त! किल्हैकि तिन्नैं किअ मुल्है द्रोह। तिंयां करा आपणीं मरज़ी अर तिंयां करा करार पर मेरी सलाह निं तिंयां पुछ़दै! इहअ करै रहा तिंयां पाप करदै लागी।
Explore ईशायाह 30:1
