Popular Bible Verses from ईशायाह 1

Share

“बिधाता बोला इहअ, ‘एछा, आप्पू मांझ़ै करनी हाम्हां गल्‍ला, थारै पाप आसा लोधल़ै करै लाल हुऐ दै, पर तम्हैं करनै मुंह धोई करै हिंऊंआं ज़िहै शेतै। थारै पाप च़ाऐ ज़िहै बी लाल होए, तिंयां करनै मुंह शेती ऊना ज़िहै शेतै।

“‘ज़ै तम्हैं मेरअ हुकम मने, तै सका तम्हैं एऊ देशे बधिया का बधिया च़िज़ा खाई ज़ुंण तेऊ देशै पज़णी।

संघा शिखल़ा भलअ करनअ। नसाफ करनअ शिखल़ा, ज़ुंण हंतै, तिन्‍नें करा मज़त, छ़ुटै-मुक्‍कै दै मणछा लै दैआ हक अर बिधबा बेटल़ी लै दैआ नसाफ।’

पर ज़ै तम्हैं नांईं मने, तम्हैं द्रोह करे, तै पाणै हेरे तम्हैं थारै दुशमणा तलबारा करै मारी। अह बैण आसा मुंह बिधातो।’

तम्हैं करा आपणीं शुधी। तिन्‍नां कदुष्ट कामां करनै छ़ाडा ज़ुंण मुखा शुझदै आसा लागै दै। पाप करनअ छ़ाडा पोर्ही

“‘तम्हैं बाह फुआरी मुंह सेटा च़ाऐ ज़ेतरी बी अरज़ करे, मुंह निं तम्हां बाखा भाल़णअ बी आथी। तम्हैं करा मुंह सेटा च़ाऐ ज़ेतरी बी प्राथणां, हुंह निं थारी शुणदअ, किल्हैकि थारै हाथ आसा नर्दोश मणछे लोधल़ै जैंदरी डुबै दै ज़सरी तम्हैं हत्या किई।

थारै मुल्है बल़ीदान आणनैं आसा बृथा। थारै धूप ज़ाल़णै का हुई मुंह नफरत। थारी बशैघे, पुनूंईए धैल़ी अर मेरै नाओंऐं होर सभा दी गल्‍ला करने लागै मुंह थारै रोश्श! तेता संघै थारै कदुष्ट काम करनै निस्सै मेरै ज़िर्हुई।

खुढै बान्हअ द बल्द अर गाधअ तोही हेरा बछ़ैणीं कि तिन्‍नों मालक कुंण आसा, पर मेरी परज़ा इज़राईली निं मुंह बछ़ैणदै! तिंयां निं एते बारै समझ़दै ई आथी!

मुंह हुई थारै पुनूंई अर होर पबित्र धैल़ी मनणै का नफरत! तिंयां ज़ाण्हिंआं मुखा गर्कै भर्टू ज़िहै, ऐबै थक्‍कअ हुंह तेता च़की-च़की।