Popular Bible Verses from इब्रानी 6

Share

ज़ुंण हाम्हां आशा आसा, सह आसा ज़हाज़े लंगरा ज़ेही ज़ुंण पाक्‍कअ रहा टेक्‍की। अह निं हाम्हां परमेशरा का दूर करदी पर अह निंयां हाम्हां भबना भितरी खास पबित्र ज़ैगा लै परमेशरा सेटा।

परमेशर निं बेनसाफी करदअ, सह निं बिस्सरदअ कि तम्हैं तेऊ लै केही मैन्थ किई, अर होरी विश्वासी आप्पू संघै नढैऊई तम्हैं तेऊ लै किहै झ़ूरै, ज़िहै तम्हैं अज़ी बी आसा करदै लागै दै।

इहअ करै किई परमेशरै करार अर तेऊ खाऐ तेता लै सोह बी। ईंयां दुहै गल्‍ला निं बदल़ी सकदी, किल्हैकि परमेशर निं झ़ुठअ बोली सकदअ। तेऊ दैनी हाम्हां लै ज़बान कि तेऊ करनी म्हारी मज़त अर तेऊ लाणअ आप्पू लै दोश ज़ै सह म्हारी मज़त नांईं करे। तैही आसा म्हारी आशा परमेशरा दी, ज़िहै हाम्हैं जोश डाही खुशी-खुशी तेऊ नेल़ डेओए।

तैही बोला हुंह इहअ कि तिन्‍नां शिक्षे बारै निं आप्पू मांझ़ै गल्‍ला करनी छ़ाडणीं ज़ुंण हाम्हैं पैहली बारी मसीहे बारै आसा शिखल़ी दी। तिंयां गल्‍ला ज़ुंण हर विश्वासी लै शिखल़णीं ज़रूरी आसा। इना मांझ़ै आसा कई एही गल्‍ला ज़ेता करै परमेशर हाम्हां का इहअ खोज़ा कि तिन्‍नां पापी कामां का किहअ करै रहणअ दूर ज़ुंण हाम्हां मौता बाखा लै निंयां। एही ई आसा हाम्हैं कई होर गल्‍ला बी तम्हां का सखाऊई दी।