तेखअ बोलअ इज़राईलै युसुफा लै बर्गत दैंदी बारी, “ज़हा परमेशर बिधाते च़ाकरी मेरै दाद-बाब आबराम अर इसहाकै किई, सह रहअ मेरी सारी ज़िन्दगी मुंह संघै। तेऊए स्वर्ग दूतै डाहअ हुंह आझ़ तैणीं राज्ज़ी-राम्बल़अ। ऐबै करा हुंह एही प्राथणां कि सह दैए इना दुही लै एही बर्गत कि मेरअ अर मेरै दादू आबराम अर मेरै बाब इसहाको नाअं लोल़ी इना दूई करै आजू बढअ।
“हुंह करा बिधाता का एही अरज़ कि इने लोल़ी आजू खास्सी आद-लुआद हुई।”