Popular Bible Verses from मूल़ 17

Share

अब्रामे अमर हुई ती नडिनुंऐं साले, बिधाता हुअ भिई तेऊ सेटा प्रगट संघा बोलअ तेऊ लै इहअ, “हुंह आसा सह बिधाता ज़हा का सारअ बल आसा। ज़िहअ हुंह बोला, ज़ै तूह हर बगत तिहअ ई करे

“भाल़ मेरी आसा ताल्है करार कि तूह हणअ खास्सै देशे लोगो मूल़ बाब, तैही लाअ मंऐं तेरअ नाअं अब्रामा का आबराम डाही।

“ज़ुंण मंऐं ताह संघै करार किई, सह आसा ताह संघै अर आजू तेरी आद-लुआदा संघै बी, किल्हैकि हुंह आसा तेरअ अर तिन्‍नों दुहीओ बिधाता।

“भाल़ मेरी आसा ताल्है करार कि तूह हणअ खास्सै देशे लोगो मूल़ बाब, तैही लाअ मंऐं तेरअ नाअं अब्रामा का आबराम डाही।

पर परमेशरै बोलअ इहअ, “नां, तेरी बेटल़ी सारा का हणअ ताल्है एक शोहरू। तूह डाहै तेऊ नाअं इसहाक। मुंह करनी आपणीं करार तेऊ अर आजू तेऊ का हुई दी आद-लुआदा संघै पूरी।

“अह ज़ैगा दैणीं मुंह ताल्है अर आजू तिन्‍नां लै, ज़हा ज़ैगा तूह एभै परदेसी आसा। कनान देशे सारी ज़ैगा दैणीं मुंह सदा लै तेरै खिंबा लै अर हुंह हणअ तिन्‍नों बी बिधाता।

आबरामै टेक्‍कअ उटी बाखा धरनीं पल़ी माथअ संघा लागअ इहअ सोठदअ, “मेरी अमर गई ऐबै शौआ साले हई, ऐबै किहअ करै सका हुंह एतरी प्रोढी अमरा बाब बणी? सारा गई नबै साले हई, तेसे कै हणैं-ज़ाणें कुछ सिक्‍कणी?” संघा लागअ सह हास्सदअ।

“आबराम, ऐबै निं आपणीं लाल़ी लै साराई बोली, मुंह डाहणअ ऐबै तैहा नाअं सारा।

“मेरअ सह बधान ज़ुंण तम्हां पोस्ती दर पोस्ती करनअ सह आसा इहअ कि तम्हैं करै थारै गुप्त आंगे मुंडकीए खाल काटी लान्हैं का प्रोढै तैणीं सोभी मणछो खतैर। अह हणअ ऐहा गल्‍लो नछ़ैण कि तम्हैं आसा मेरी करार आद डाही दी।

“पर सारा का हणअ तेरअ शोहरू इसहाक आगली साला ऐहा ई ऋता, ज़ुंण करार मंऐं ताह अर तेरी आद-लुआदा लै किई, सह हणीं आजू तेऊ अर तेऊए खिंबा का सदा लै।”

“एभा पोर्ही लोल़ी तेरै सोभी टांडै-टबरै सोभी लान्हैंओ ज़ल्म हणैं का बाद आठुऐ धैल़ै खतैर किअ। तेरै घअरै च़ाऐ ढब्बै करै मोलै लऐ गलाम बी होए, तेऊओ खतैर बी करै ज़रूर, सह लान्हअ होए च़ाऐ प्रोढअ, सह च़ाऐ तेरै घअरै होए हुअ द, च़ाऐ सह तंऐं परदेसा का च़ंदी दैई लई होए आणअ द, इना दुहीओ करै खतैर। इहअ करै हणअ मेरी करारो अह बधान नछ़ैणें रुपै थारी देही दी जुगै-जुगै।