Popular Bible Verses from एजकेल 4

Share

“तेखअ फिरै तूह बाऊंईं पाशल़ी, मुंह पाणअ इज़राईले पापो बोझ़ ताह प्रैंदै। ज़ेतरी धैल़ी तूह बाऊंईं पाशल़ी सुत्ती रहणअ, तेतरी धैल़ी रहणअ तूह इज़राईलीए पापा पिछ़ू दाह ज़िरदअ लागी। ताह लागणीं चअन शौ नबै धैल़ी तैणीं तिन्‍नें सज़ा भुगतणी। एक धैल़ी आसा एकी साला बराबर, इज़राईल देशा लागणीं चअन शौ नबै साला तैणीं सज़ा भुगतणी।

ज़ेभै तेरी ईंयां धैल़ी बिति जाणीं, तेखअ फिरै तूह दैहणीं पाशल़ी बाखा। ताह लागणअ तेखअ यहूदा मुल्खे पापा पिछ़ू च़ाल़्ही धैल़ै तैणीं दाह ज़िरनी। तेरी एकी धैल़ी सज़ा भुगतणी आसा तिन्‍नें एकी साले सज़ा बराबर।

“तूह आणै कणक, ज़ौ, भरठ, मसर, कोदरअ अर मडणको पिठअ। संघा बणाऐं तेता कठा राल़ी करै रोटी। चअन शौ नबै धैल़ी तैणीं ज़ेभै तूह बाऊंईं पाशल़ी हणअ सुत्तअ द, तिन्‍नां धैल़ै खाऐ तूह तेते ई रोटी।