Popular Bible Verses from एस्तेर 6

Share

तधू बैल़ी निं राज़ै नींज ई पल़ी, तेऊ शदाऊई इतिहासे कताब संघा बझ़ैल़ी तेऊ सह पहल़णैं। ज़ांऊं राज़े दासै सह भाग पहल़अ कि राज़ेए दूई गुंझी बिगताना अर तेरेश ज़ुंण राज़ेए दरवाण थिऐ, तिन्‍नैं किई ती राज़ै क्षयर्ष मारने सांठ-गांठ अर तिन्‍नों सह भेद खोल्हअ त मुर्दकाई।

हमान आअ भितरा लै अर राज़ै हेरअ नढैऊऐ तेऊ लै इहअ बोली, “हुंह च़ाहा एकी मणछो खास्सअ अदर करनअ, तेऊ मणछा लै हुंह किज़ै करूं कि तेऊओ खास्सअ अदर होए?” हमानै सोठअ, “राज़अ च़ाहा मेरअ अदर करनअ, मुखा सुआई होर कुंण सका हई? ज़ाथी निं कोहै।”

राज़ै बोलअ हमाना लै, “ऐबै डेऊ झ़ट-च़ारै संघा आण राज़ैओ सुआब अर घोल़अ एभी, तेता करै लाअ मंऐं यहूदी मुर्दकाईओ अदर करी। ज़िहअ-ज़िहअ तंऐं बोलअ तेता मांझ़ै निं एक गल्‍ल बी बिस्सरी आथी। ताह भेटणअ मुर्दकाई मैहले प्रऊल़ी बागै बेठअ द।”