Popular Bible Verses from बधान 11

Share

इना डाहै तम्हैं आपणैं शोहरू-माठै का भिई-भिई बोली खोज़ी। हर बगत करनी तिन्‍नां संघै एते ई बारै गल्‍ला, घअरै-बणैं, हांढदी-फिरदी, बैल़ी सुत्तदी अर दोत्ती उझ़दी करै तम्हैं एते ई बारै गल्‍ला।

“तैही बोला हुंह तम्हां लै इहअ कि एऊ बधाना डाहै तम्हैं सदा आद अर तम्हां लोल़ी सदा एते ई सोठ रही। एता डाहै तम्हैं जंतरी-पत्री दी लिखी संघा डाहै आपणैं नल़ै अर दोहरी भृहुंई मांझ़ै माथै दी नछ़ैणा ज़िहै बान्हीं ताकि तम्हां सदा आद रहे।

“तैही मनै तम्हैं बिधाते सोभी हुकमा ज़ुंण मंऐं आझ़ लाऐ तम्हां का खोज़ी। तम्हैं झ़ूरै आपणैं परमेशर बिधाता लै अर दिला का करै तेऊए च़ाकरी। ज़ै तम्हैं तेऊओ हुकम मने, तै हणअ थारै देशै हिंऊंद-भराल़ आपणीं ऋता राम्बल़अ अर तेता करै हणीं थारी साल-फसल अर तेखअ हणअ थारै आपणअ नाज़, दाखो रस, जैतूनो तेल अर डागै-चैणैं लै घाह-पाच बतेर्हअ।

“तम्हैं झ़ूरै सदा आपणैं परमेशर बिधाता लै। ज़ुंण बधान, बिधी अर हुकम तेऊ तम्हां लै दैनै, तिन्‍नां करै हर बगत पूरै।

“आझ़ छ़ाडी मंऐं अह गल्‍ल तम्हां लै, तम्हां बिधाता का बर्गत लोल़ी कि फिटक लोल़ी? ज़ुंण आझ़ मंऐं तम्हां का बिधातो बधान लाअ खोज़ी, ज़ै तम्हैं तेते सोभै हुकम मने तै भेटणीं तम्हां बिधाता का बर्गत। पर ज़ै तम्हैं बिधाते हुकम नांईं मने अर तेऊ छ़ाडी होरी देअए पूज़ा करदै फिरे ज़ुंण तम्हैं आझ़ तैणीं नांईं किअ। तै दैणअ बिधाता तम्हां लै फिटक।

इना बधाना डाहै तम्हैं आपणैं दुआरे द्रींडा अर नगरीए प्रऊल़ी दी लिखी। तै रहणैं तम्हैं अर आजू थारी आद-लुआद तैहा ज़ैगा खास्सी अमरा ज़िऊंदै ज़ेता दैणें करार बिधाता थारै दादा-बाबा का आसा किई दी। ज़ेभै तैणीं धरती प्रैंदै सरग आसा, तेभै तैणीं रहणैं तिंयां तिधी बस्सी।

“पर तम्हैं डाहै हेरे आपणअ खैल! तम्हैं निं आप्पू होरी देअ-देबते पूज़ी करै आपणैं परमेशर बिधाता का दूर हई कबाता पेठी